Bu kadrlar Gürcüstanı qarışdırdı – FOTO

Dünən gecə paytaxt Tiflis də olmaqla minlərlə Gürcüstan vətəndaşı ölkənin əksər şəhərində küçələrə axışıb. Lent.az-ın Gürcüstan KİV-ə istinadən verdiyi məlumata görə, buna səbəb Tiflisin yaxınlığındakı Qldani həbsxanasında dustaqlara verilən işgəncələr, onların zorlanması faktlarının telekanallarda nümayiş etdirilməsi olub.

Elə sizə təqdim olunan video materialdan da göründüyü kimi dustaqlar cəzaçəkmə müəssisəsinin bir qrup əməkdaşı tərəfindən döyülür və təhqir olunurlar. Bu arada BBC-nin yaydığı məlumata görə, kadrları telekanallara adı gedən cəzaçəkmə müəssisəsinin keçmiş əməkdaşı Vladimir Bedukadze ötürüb. Bedukudzenin bildirdiyinə görə, dustaqlara işgəncə verilmə tapşırığı daxili işlər naziri Baço Axalayadan gəlib.

Artıq prezident Mixail Saakaşvili xalqa müraciət edərək baş verənlərə görə günahkarların sərt cəzalandırılacağını bildirib.
Gürcüstan Ədliyyə Nazirliyinin cəzaçəkmə müəssisləri üzrə baş idarəsinin rəisi Xatuna Kalmaxelidze isə artıq istefa verib.

Səbuhi