Nobel mükafatı növbəti sahiblərinin axtarışında

Lent.az-ın verdiyi məlumata görə, yaxın günlərdə mükafatın digər sahələr üzrə sahibləri də məlum olacaq.

Oktyabrın 5-də fizika, 6-da kimya, 7-də ədəbiyyat üzrə Nobel komitəsinin qərarı elan olunacaq. Oktyabrın 8-də Osloda dünya sülh mükafatı laureatının adı açıqlanacaq. Sonda - oktyabrın 11-də isə 1968-ci ildə İsveçrə Bankı tərəfindən təsis olunmuş iqtisadiyyat üzrə Nobel mükafatının sahibi müəyyənləşəcək.

Qeyd edək ki, Alfred Nobel öz vəsiyyətində fiziologiya və tibb sahəsi üzrə laureatı seçmək missiyasını əsası 1810-cu ildə qoyulmuş, hazırda dünyanın aparıcı təhsil və elmi tibb mərkəzi olan Stokholmdakı Karolina İnstitutuna tapşırıb.

İnstitutun tərkibində yaradılmış Nobel komitəsinin 5 daimi üzvü var ki, onlar da öz növbəsində məsləhət üçün ekspert dəvət etmək hüququna malikdirlər. Ənənəyə görə, Nobel komitəsi son ana qədər nə namizədlər, nə də onları irəli sürən şəxslər barədə heç bir məlumat vermirlər.

Bəzi ekspertlərin fikrincə, bu il tibb sahəsi üzrə mükafatı Duqlas Koulman və Cefri Fridman, Akiro Endo, Robert Reder qazana bilər.