Tacikistanda hərbi helikopter qəzaya uğrayıb

Lent.az-ın məlumatına görə, qəza nəticəsində 4 hərbiçi ölüb, 3-ü isə yaralanıb. Hadisə Düşənbə həbsxanasından qaçan 5 məhbusun sığındığı Rəşt əyalətində baş verib.

Tacikistan Müdafiə Nazirliyindən verilən məlumata görə, qəza texniki səbəblərdən baş verib.

Qeyd edək ki, həbsdən qaçan silahlı məhbuslar həmin ərazidə sentyabrın 19-da hərbi karvana hücum etmiş, 25 əsgəri öldürmüş, 14-ü isə yaralamışdı.