08-08-08, 09-09-09, 10-10-10

Lent.az-ın “USA Today”a istinadən məlumatına görə, cütlüyün 3 uşağının doğum günü çox maraqlı təsadüf sayılır.

Barbara və Çad uşaqlarının doğulması üçün xüsusi gün planlaşdırmayıblar. Amma məsələ ondadır ki, Barbara ilk övladını 2008-ci ilin səkkizinci ayının səkkizinci günündə (08-08-08), ikinci övladını 2009-cu ilin doqquzuncu ayının doqquzuncu günündə (09-09-09) və nəhayət üçüncü övladını 2010-cu ilin onuncu ayının onuncu günündə (10-10-10) dünyaya gətirib. Tam təsadüfün səbəbi uşaqların ana bətnində gəzdirildiyi şərait və qadının yatdığı klinikanın həkimlərinin qəbul etdiyi qərarlardır.

Kaliforniya universitetinin statistika professoru Filipp Star bildirib ki, doğuşlar arasında fasilənin 11 ay çəkdiyi nəzərə alınsa, bir neçə uşağın müəyyən gündə doğulması şansı çox cüzidir: “İndiyə qədər bu, inanılmaz sayılırdı. Ən azından mən, belə halı xatırlamıram. Bu, ancaq yüzilliyin ilk 12 ilində baş verə bilər”.