Putinin istefası tələbilə keçiriləcək aksiyaya icazə verilib

Moskva meriyası müxalifətin Puşkin meydanında baş nazir Vladimir Putinin istefası tələbi ilə aksiya keçirməsinə icazə verib. Lent.az-ın Rusiya mətbuatına istinadən verdiyi məlumata görə, aksiya oktyabrın 23-də keçiriləcək.

Baş nazir istefası ilə bərabər, aksiya iştirakçıları hökumətin bütünlüklə istefa verməsini, parlamentin hər iki palatasının buraxılmasını və növbədənkənar seçkilər keçirilməsini tələb edəcəklər.

“putinavotstavku.ru” saytında isə Vladimir Putinin istefası ilə bağlı imza toplanır. Artıq 60 min insan Vladimir Putinin istefaya getməsinə səs verib.

Qeyd edək ki, Rusiya mətbuatı prezident Dmitri Medvedevin Yuri Luşkovun Moskva meri postundan uzaqlaşdırmasından sonra Vladimir Putinin istefası ilə bağlı Moskvada aksiya keçirilməsinə icazə verilməsini təsadüfi saymırlar. Yuri Lujkov da istefasının səbəbinin qarşıdan gələn prezident seçkiləri ilə bağlı olduğunu, Dmitri Medvedevin Vladimir Putini zəiflətməyə çalışdığını söyləmişdi.