8 başsız cəsəd tapıldı

Lent.az-ın CNN-ə istinadən verdiyi məlumata görə, əyalətin mərkəzi Durango City şəhərindəki qəbiristanlıqda tapılan cəsədlərdən biri bazar ertəsi qaçırılan Durango həbsxanasının müdirinin köməkçisi Gerardo Galindoya aid olduğu müəyyənləşdirilib.

Gerardo Galindonun başı yerli bir narkomafiyanın təhdid mesajlarının yer aldığı bir divarın altında tapılıb. Digər 7 cəsədin şəxsiyyəti hələ müəyyənləşdirilməyib. Durango valisi Jorge Herrera Caldera bu 7 cəsədin rəqib narkomafiyalar arasındakı savaşda ölən narkotik vasitə qaçaqmalçılarına məxsus olduğunu bildirib.

Bununla da keçən aydan bu yana kütləvi məzarlarda tapılan cəsədlərin sayı 196-ya çatıb.