Ərdoğanın Nobel Sülh Mükafatına namizədliyi istənildi

Türkiyənin hakim Ədalət və İnkişaf Partiyasının (AKP) üzvləri Rusiya-Ukrayna münaqişəsinin həllində göstərdiyi səylərə görə Türkiyə Prezidenti Rəcəb Tayyib Ərdoğanın Nobel Sülh Mükafatına namizədliyini dəstəkləyib.

Lent.az Türkiyə mətbuatına istinadən xəbər verir ki, bu barədə partiyanın icraiyyə komitəsinin üzvü Sunay Karamak bildirib.

“Prezidentimizin Nobel Sülh Mükafatına ehtiyacı yoxdur, lakin bir vaxtlar ABŞ-ın keçmiş prezidenti Barak Obama bu mükafata layiq görülübsə, Ərdoğanın Ukraynada sülhü təmin etmək üçün göstərdiyi səylərə görə prezidentimizə Nobel mükafatı verilməlidir”, - deyə S.Karamak vurğulayıb.

Təşəbbüsü ölkənin xarici işlər naziri Mövlud Çavuşoğlu da dəstəkləyib:

“Əslində heç nə etməyən Obama yalnız Fələstin probleminin həllində göstərdiyi səylərə görə Nobel Sülh Mükafatına layiq görülüb. Bununla belə, prezidentimiz daha çox iş görüb, ona görə də o, Nobelə layiqdir”.