Nasist Almaniyasının dünyaya hökmranlıq etmək xəyalı – 3 qitəni birləşdirmək üçün nəhəng plan

İstanbul və Bakının Hitlerin Almaniyanı Hindistana qədər genişləndirməyi hədəfləyən nəhəng dəmir yolu və super qatar layihəsi planlarında mühüm tranzit nöqtəsi olduğu açıqlanıb.

Lent.az bildirir ki, “Əl-Cəzirə”nin təhlilinə görə, İkinci dünya müharibəsinin kölgəsində həyata keçirilən layihə Avropadan Asiyaya qədər üç qitəni əhatə edən qlobal nəqliyyat şəbəkəsini nəzərdə tutub.

Qeyd edilir ki, nasist lideri Almaniyanı Hindistana qədər genişləndirəcək nəhəng bir dəmir yolu şəbəkəsi və "super qatar" layihəsi planlaşdırıb.

Nazi Almanyası’nın dünya hakimiyeti hayalinde İstanbul detayı 3 kıtayı bağlayacak dev plan

Hitlerin “nəhəng qatar” xəyali

Alman mühəndislik şirkətlərinin də iştirak etdiyi layihədə adi qatarlardan daha böyük bir sistem dizayn edilib.

Planlara əsasən, qatar vaqonu ikimərtəbəli konfiqurasiyada 42 metr uzunluğunda, 6 metr enində və 7 metr hündürlüyündə layihələndirilib. Qatarın mövcud sistemlərin gücündən təxminən altı dəfə çox olan 36.000 at gücünə malik olması proqnozlaşdırılıb. Hədəf maksimal sürət saatda 250 kilometr olaraq müəyyən edilib. Layihənin miqyası sayəsində hərtərəfli infrastruktur transformasiyası və yüksək tutum tələbləri də zəruri olub.

Xəbərə görə, planlaşdırılan qatarlar təkcə ölçülərinə deyil, həm də tutumuna görə fövqəladə olacaqdı.

Layihədə 600 metrə qədər uzanan sərnişin qatarları, 1,2 kilometrə çatan yük qatarları, 4000 sərnişin daşıya bilən tək qatar və kinoteatrlar, restoran vaqonları və oxu zonaları kimi hissələrin daxil edilməsi nəzərdə tutulub.

“O, bu ideyani sona qədər qəbul edib”

Alman mühəndislik şirkətləri və Reyxsbahn mütəxəssisləri layihəyə texniki töhfələr versə də, bir çox mütəxəssis mövcud dəmir yolu infrastrukturunun bu yükü daşıya bilməyəcəyi barədə xəbərdarlıq edib. Xəbərlərə görə, hətta yolun ölçülərini standart 1435 metrdən 3 metrə qədər artırmaq məsələsi də müzakirə olunub.

Nasist dövrünün görkəmli memarı Albert Speer, Hitlerin tez-tez bir layihə ilə bağlı təfərrüatları gizlətdiyini və liderin "bir ideyanı qəbul etdikdən sonra onu dəstəkləməkdə israrlı olduğunu" bildirib.

Qlobal dəmir yolu şəbəkəsi plani

Layihə sadəcə bir qatar sistemi deyil, Avropanı Asiya və Afrika ilə birləşdirəcək qlobal dəmir yolu strategiyasının bir hissəsi kimi hazırlanıb.

Planlaşdirilmiş marşrutlara Bakı da daxil olub

Planlaşdırılan marşrutlara aşağıdakılar daxildir:

- Şərq marşrutu: Paris–Berlin–Varşava–Kiyev–Qafqaz

- Yaxın Şərq marşrutu: İstanbuldan Bakıya, İraqa, İrana və Hindistana qədər uzanır

- Şimal-cənub xətti: Hamburqdan Roma və Madridə qədər uzanan şəbəkə.

Müharibənin kölgəsində davam edən layihə

Almaniya 1943-cü ildə Stalinqrad döyüşündəki məğlubiyyətdən sonra müharibədən geri çəkilməyə başlasa da, layihə tamamilə dayandırılmayıb. 1945-ci ilə qədər layihə üzərində təxminən 100 dövlət məmuru və 80 mühəndis işləməyə davam edib.