Türkiyə bir gündə 10 şəhid verdi - YENİLƏNİB

Türkiyənin Şırnak-Uludərə magistralındakı həbsxananın ətrafında əsgərlərlə PKK terrorçuları arasında atışma baş verib.

Lent.az-ın “sözcü”-ə istinadən məlumatına görə, PKK terrorçuları ilə Şırnakda yol təhlükəsizliyinə nəzarət edən əsgərlər arasında yaşanan atışmada 6 əsgər şəhid olub, 1-i isə yaralanıb. 1 PKK terrorçusunun öldürüldüyü deyilir.

***

15:36

Türkiyənin Mardin vilayətində PKK terrorçularının həyata keçiridiyi partlayış nəticəsində həlak olan hərbçilərin sayı 4-ə yüksəlib. Lent.az-ın Türkiyə KİV-ə istinadən xəbərinə görə, hazırda partlayışda yaralanan 4 əsgər və 2 qoruyucunun xəstəxanada müalicəsi davam edir.

***

13:37

Türkiyənin Mardin vilayətində PKK terrorçularının həyata keçiridiyi partlayış nəticəsində həlak olan hərbçilərin sayı 3-ə çatıb, 7 nəfər isə yaralıdır. Lent.az-ın Türkiyə KİV-ə istinadən xəbərinə görə, qaçan terrorçuların yaxalanması üçün bölgədə genişmiqyaslı əməliyyatlara başlanılıb.

***

11:50

Mardinin Derik qəsəbəsində əsgər və təhlükəsizlik işçilərini daşıyan avtobus partladılıb.

Lent.az-ın “sözcü.com.tr”ə istinadən məlumatına görə, terrorçuların yolda quraşdırdığı əl bombası əsgərləri daşıyan avtobusun keçişi zamanı partladılıb.

İlkin məlumatlara görə, partlayış zamanı avtobusda olan təhlükəsizlik işçilərindən 2-si şəhid olub, 8-i isə yaralanıb.

Yaralılardan ikisinin vəziyyətinin ağır olduğu deyilir. Hadisə yerində axtarış əməliyyat tədbirləri başladılıb.