Balıqçı xilas edildi

Xəzərdə köməksiz qalan balıqçı xilas edilib. Lent.az-ın Fövqəladə Hallar Nazirliyinin saytına istinadən verdiyi məlumata görə, 1 nəfər balıq tutmaq məqsədi ilə rezin qayıqda Bakı şəhəri, Səbail rayonu ərazisindən dənizə çıxıb və küləkli hava şəraitində (sahildən təxminən 2 km dənizin içərilərinə doğru) köməksiz vəziyyətdə qalıb. Dərhal FHN-in “Şıx-2” sularda xilasetmə məntəqəsinin, müvafiq xilasetmə qüvvələri hadisə yerinə cəlb olunub.

Həmin şəxs xilas edilib.