Avtomobil çaya düşdü: 1 ölü, 4 yaralı

Lent.az-n Fövqəladə Hallar Nazirliyinin (FHN) saytına istinadən verdiyi məlumata görə, Xızı rayonunun Giləzi kəndi ərazisində vətəndaşa məxsus “Opel” markalı minik avtomobili idarəetməni itirərək Giləzi çayına düşüb.

Hadisə yerinə cəlb olunmuş FHN-in xilasediciləri ərazidə müvafiq təhlükəsizlik tədbirləri görüblər. Hadisə şahidlərinin bildirdiklərinə əsasən, sürücü Hacıyev Sahib Hüseyn oğlu qəza yerində ölüb, avtomobildə olan 4 sərnişin isə xəsarət alıb.

Sürücünün meyiti və yaralılar hadisə yerinə çağırılmış Təcili Tibbi Yardım Stansiyasının əməkdaşları tərəfindən xəstəxanaya aparılıblar.