Bakıda toyda həkimlər zəhərləndi

Sentyabrın 8-də Bakı şəhərinin Xətai rayonu ərazisində yerləşən “Pluton” şadlıq sarayında qidadan zəhərlənmə hadisəsi baş verib. Lent.az-ın məlumatına görə, toy mərasimində iştirak edən M.Əfəndiyev adına 4 saylı şəhər klinik xəstəxanasının 4 həkimi qidadan zəhərlənib. Onlar dərhal Füzuli küçəsində yerləşən həmin xəstəxanaya gətiriliblər və buraya yerləşdiriliblər.

Xəstəxananın LOR şöbəsindən Lent.az-a bildirilib ki, zəhərlənmiş əməkdaşların vəziyyəti yaxşıdır.

Qeyd edək ki, zəhərlənərək xəstəxanaya yerləşdirilənlər arasında gəlinin də olduğu bildirilir.

Nizam RZA