Sulutəpədə 60 yaşlı qadını boğub öldürdülər

Yanvarın 23-dən 24-ə keçən gecə Abşeron rayonunda qətl hadisəsi törədilib. Rayon Prokurorluğundan Lent.az-a verilən məlumata görə, Sulutəpə qəsəbə sakini, 1951-ci il təvəllüdlü Sənubər Süleymanzadə evində öldürülüb.

60 yaşlı qadını boğaraq öldürüblər. Qətlin kim tərəfindən törədilməsi hələlik məlum deyil.

Faktla bağlı Cinayət Məcəlləsinin 120.1-ci (qəsdən adamöldürmə) maddəsi ilə cinayət işi başlanıb.

Nizam Rza