Bakıda “Kia” və “Opel” toqquşdu: 3 yaralı

Səbail rayon Polis İdarəsindən Lent.az-a verilən məlumata görə, saat 17.00 radələrində Bayıl qəsəbəsi ərazisində “Kia” və “Opel” markalı avtomobillər qəza törədib. Belə ki, paytaxt sakini Səidə Quliyevanın idarə etdiyi “Kia” ilə Kənan Dolxanovun sürdüyü “Opel” toqquşub. Nəticədə S.Quliyevanın sərnişini Püstə Musayeva, həmçinin Kənan Dolxanov və sərnişini Bəxtiyar Əliyev xəsarət alıb. Onlar təcili tibbi yardım maşını ilə xəstəxanaya aparılıblar.

Faktla bağlı araşdırma aparılır.

Nizam Rza