Göygöldə ailə faciəsi: iki qardaş öldü

Bu gün Göygöl rayonunda faciəli hadisə baş verib. Rayon Prokurorluğundan Lent.az-a verilən məlumata görə, Balçılı kəndində qaz balonu partlayıb. Hadisə nəticəsində 1999-cu il təvəllüdlü Rzayev Ceyhun Əli oğlu və onun qardaşı, 2000-ci ildə anadan olmuş Heydər ölüb.

Hadisə Rzayevlər ailəsinin həyətində baş verib. Belə ki, iki qardaş 3 litrlik qaz balonu ilə oynayırmış. Partlayış baş verən zaman uşaqların anası evdə olub.

Faktla bağlı rayon Prokurorluğunda araşdırma aparılır.

Nizam Rza