Gəncədə beynəlxalq axtarışda olan daha iki nəfər tutulub

Baş Cinayət Axtarış İdarəsi və Göygöl rayon Polis Şöbəsinin keçirdiyi əməliyyat-axtarış tədbirləri nəticəsində Rusiyada cinayət törətməkdə şübhəli bilinən iki nəfər tutulub. Lent.az-ın Daxili İşlər Nazirliyinin mətbuat xidmətinə istinadən verdiyi məlumata görə, Rusiya Federasiyası Cinayət Məcəlləsinin 126-cı (adam oğurluğu) və 163-cü (hədə-qorxu ilə tələb etmə) maddələri ilə axtarışda olan Rabil Əliyev və Qoçu Kərimov yaxalanıblar.

Xatırladaq ki, bir gün öncə Gəncədə eyni maddələrlə beynəlxalq axtarışda olan Samir Mehdiyev də tutulub.

Qeyd edə ki, yaxalanan şəxslərin cinayətkar aləmlə sıx əlaqələri olduğu bildirilir.