Günün tarixi

1919. İtaliyada Roma-Neapol dirijabl reysləri açılıb

1929. Alman avtomobil konstruktoru Karl Benz vəfat edib

1935. Aktyor Muxtar Manıyev anadan olub

1947. Beynəlxalq Mülki Aviasiya təşkilatı fəaliyyətə başlayıb

1949. Şimali Atlantika Müqaviləsi Təşkilatı – NATO təsis edilib

1949. SSRİ-də “antisovet radiolar”ın yayınının əngəllənməsinə qərar verilib

1949. PKK-nın qurucusu Abdulla Öcalan anadan olub

1953. Təlimdən qayıdan türk sualtı qayığı Çanaqqalada batıb, 81 türk dənizçi həlak olub. Bu tarix Türkiyədə “Dəniz şəhidlərinin anım günü” kimi qeyd edilir

1959. Sudan və Seneqal vahid dövlətdə birləşib

1968. Amerikan sosioloq Martin Lüter Kinq qətlə yetirilib

1975. Bill Qeyts və Pol Allen “Microsoft” şirkətini qurub

1979. Pakistanın baş naziri Zülfüqar Əli Bhutto edam edilib

1984. Sovet aviakonstruktoru Oleq Antonov vəfat edib. Onun təşkil etdiyi büro 1988-ci ildə dünyanın ən böyük təyyarəsini hazırlayıb. “An 225” markalı bu təyyarə hazırda Ukrayna “Antonov Airlines” şirkətinin balansındadır.

1992. Azərbaycan Respublikası Rusiya ilə diplomatik əlaqələr qurub

1994. “Netscape Communications” şirkəti təsis edilib

1997. Türkiyə Miliyyətçi Hərəkat Partiyasının lideri Alparslan Türkeş vəfat edib

2004. Azərbaycan və Kanada arasında gəlirlərə və əmlaka görə vergilərə münasibətdə ikiqat vergitutmanın aradan qaldırılması və vergidən yayınmanın qarşısının alınması haqqında Konvensiya imzalanıb

2006. Azərbaycan və Braziliya arasında ikitərəfli siyasi məsləhətləşmələrə dair Protokol və viza tələblərinin qismən aradan qaldırılması haqqında Saziş imzalanıb

2008. NATO-nun Buxarest Zirvə toplantısı başa çatıb. Tədbirdə Azərbaycanın suverenliyi və ərazi bütövlüyünə dəstəklənib.

Günün aforizmi:

“İnsan güclə deyil, mütaliə ilə ağıllanır”
Cordano Bruno