49 yaşlı qadın gözlənilməz qəzanın qurbanı oldu

Suraxanı rayon Polis İdarəsindən Lent.az-a verilən məlumata görə, Yeni Günəşli qəsəbəsində 1984-cü il təvəllüdlü İntiqam Məmmədovun idarə etdiyi “VAZ 2107” və Pərviz Əhmədovun idarə etdiyi “Toyota-Prado” markalı avtomobillər toqquşub.

Nəticədə “Toyota-Prado” aşıb və yolun kənarındakı piyada, 1962-ci il təvəllüdlü Rahilə Dadaşovaya dəyib. Zərbənin təsirindən 49 yaşlı piyada hadisə yerində ölüb.

Faktla bağlı araşdırma aparılır.

Nizam RZA