Bakıda mağazaya silahla basqın edib, şirniyyat apardılar

Bakı şəhər Baş Polis İdarəsindən Lent.az-a verilən məlumata görə, aprelin 8-də saat 20:45 radələrində naməlum şəxs Şərifzadə küçəsində yerləşən mağazaya daxil olaraq orada satıcı işləyən Hidayət Qurbanovu bıçaqla hədələyib və pul, şirniyyat götürərək qaçıb.

Yasamal rayon Polis İdarəsi 28-ci Polis Bölməsinin əməkdaşlarının keçirdiyi əməliyyat tədbirləri nəticəsində quldurluqda şübhəli bilinən Bakı şəhər sakini əvvəllər məhkum olunmuş Azər Bəndəliyev elə aprelin 8-də tutulub.

Onun başqa əməllərdə əlinin olub-olmaması yoxlanılır.

Nizam