FHN-in xilasediciləri azyaşlını xilas etdilər

Lent.az-ın Fövqəladə Hallar Nazirliyinin saytına istinadən verdiyi məlumata görə, giriş qapısının təsadüfən kilidlənməsi nəticəsində körpə uşaq mənzildə köməksiz vəziyyətdə qalıb. Xilasedicilər xüsusi alət və avadanlıqlar vasitəsilə 11 mərtəbəli yaşayış binasının damından enərək, 10-cu mərtəbədə yerləşən həmin mənzilə eyvandan daxil olublar və giriş qapısını açıblar.

Mənzildə gərgin psixoloji vəziyyətdə aşkarlanmış uşaq xilasedicilər tərəfindən aidiyyəti üzrə təhvil verilib.

FHN-in saytında əməliyyatın fotoları yayılıb.