Xətaidə “BMW” hasara çırpılıb

Mayın 13-də saat 23.30 radələrində Xətai rayonu ərazisində Bakı şəhər sakini İlkin Mirzəyev “BMW” markalı avtomaşını idarə edərkən onu hasara vurub. Daxili İşlər Nazirliyinin mətbuat xidmətindən Lent.az-a verilən məlumata görə, İlkin Mirzəyevin sərnişini Rasim Babayev hadisə yerində ölüb.

Xəsarət almış İlkin Mirzəyev və digər sərnişini Vüsal Soltanov isə xəstəxanaya yerləşdirilib, vəziyyətləri ağırdır.