AXCP funksionerinin şikayətinə baxıldı

Bu barədə Lent.az-a məlumat verən vəkil Anar Qasımov bildirib ki, Məhəmməd Məcidli Səbail rayon Məhkəməsinin onun haqqında çıxardığı həbs-qətimkan tədbirinin uzadılması barədə qərarından Bakı Apelyasiya Məhkəməsinə şikayət etmişdi. Məhkəmə iddianı təmin etməyib və birinci instansiya məhkəməsinin qərarını qüvvədə saxlayıb.

Qeyd edək ki, M.Məcidli 2 aprel mitinqi ilə bağlı qaldırılmış cinayət işi çərçivəsində istintaqa cəlb edilib. O, Cinayət Məcəlləsinin 233-cü (ictimai qaydanın pozulmasına səbəb olan hərəkətləri təşkil etmə və ya bu cür hərəkətlərdə fəal iştirak etmə) maddəsi ilə ittiham olunur. Mayın 24-də Səbayel Rayon Məhkəməsi onun haqqında seçilmiş həbs-qətimkan tədbirinin müddətini 2 ay uzadıb.

Anar GƏRAYLI