Sabunçuda yaşayış evində partlayış: 4 yaralı

Bu barədə APA-ya Sabunçu rayon Polis İdarəsindən bildirilib. Hadisə iyunun 6-dan 7-nə keçən gecə Böyük Şor qəsəbəsində qeydə alınıb. Fərdi yaşayış evində baş verən partlayışa qaz sızması səbəb olub. Nəticədə evdə olan 4 nəfər – Ruslan Qəmbərov, Nəriman Qəmbərov, Əli Qəmbərov və Rəvan Mehdiyev xəsarət alıblar. Yaralılar xəstəxanaya yerləşdirilib.

Faktla bağlı araşdırma aparılır.