Ağdamda yol qəzası: bacı öldü, qardaş ağır yaralandı

Bu gün saat 14.00 radələrində Ağdam rayonunda ağır yol qəzası baş verib. Rayon Polis Şöbəsindən Lent.az-a verilən məlumata görə, Quzanlı qəsəbəsi yaxınlığında Kürdlər kənd sakini 1985-ci il təvəllüdlü İsgəndərov Elzamin Vahid oğlunun idarə etdiyi “Mercedes 190” yoldan çıxaraq aşıb.

Nəticədə sürücü və sərnişini Talıbov Nicat Hikmət oğlu yaralanıblar. Digər sərnişin N.Talıbovun bacısı 24 yaşlı Billurə isə dünyasını dəyişib. B.Talıbova aldığı xəsarətlərdən hadisə yerində ölüb.

Faktla bağlı Ağdam RPŞ-da cinayət işi başlanılıb, araşdırma aparılır.

Nizam RZA