FHN-nin xilasediciləri gölə düşən maşını sudan çıxarıb

Lent.az-ın Fövqəladə Hallar Nazirliyinin saytına istinadən verdiyi məlumata görə, “Vaz 2103” markalı minik avtomobili sürücünün idarəetməsindən çıxaraq yol kənarındakı gölə düşüb. Nəticədə, nəqliyyat vasitəsi deformasiyaya uğrayıb, sürücü - 1953-cü il təvəllüdlü Məmmədov Şəfaqət Ağamirzə oğlu isə göldə boğulub. Hadisə yerinə cəlb olunmuş xilasedicilər avtomobili sudan çıxarıb, xüsusi alət və avadanlıqlar vasitəsilə Ş.Məmmədovun cəsədini nəqliyyat vasitəsindən çıxararaq aidiyyəti üzrə təhvil verib.