Bakıda parkda 17 yaşlı oğlanın qanını tökdülər

Avqustun 4-də Bakıda bıçaqlanma hadisəsi baş verib. Lent.az-ın Daxili İşlər Nazirliyinin mətbuat xidmətinə istinadən verdiyi məlumata görə, Nizami rayonu ərazisində, parklardan birində Bakı şəhər sakini 17 yaşlı Ceyhun Bayramov bıçaqlanıb. O, xəstəxanaya yerləşdirilib.

İlkin əməliyyat-axtarış tədbirləri nəticəsində C.Bayramovun sağlamlığına qəsdən ağır zərər vuran Bakı şəhər sakini 26 yaşlı Əfqan Babayev həbs edilib.

Araşdırmalar davam etdirilir.

Nizam RZA