Bakıda liftin trosu qırıldı: 1 ölü

Xətai rayon Prokurorluğundan Lent.az-a verilən məlumata görə, doqquzmərtəbəli yaşayış binasının liftində texniki nasazlıq baş verib və liftin trosları qırılıb.

Nasazlıq nəticəsində lift 7-ci mərtəbədən şaxtaya düşüb. Bu zaman liftin içərisində 1978-ci il təvəllüdlü Zəkiyeva Mehriban Qurban qızı olub. 33 yaşlı M.Zəkiyeva hadisə yerində ölüb.

Hadisə yerinə həkimlər və hüquq-mühafizə orqanlarının nümayəndələri gəlib.

Nizam RZA