Bakıda alverçini soydular

Nəsimi rayon Polis İdarəsi 21-ci Polis Bölməsindən Lent.az-a verilən məlumata görə, Şamil Əzizbəyov küçəsi 135 saylı binanın qarşısında səyyar alverlə məşğul olan Vüqar Alışanov soyğunçunun hücumuna məruz qalıb.

Naməlum şəxs qadın paltarı satan V.Alışanova yaxınlaşıb və onun əlindəki paltarları, telefonu alaraq qaçıb. Polis hadisə ilə bağlı məlumat alandan sonra soyğunçunun Ş.Əzizbəyov küçəsində yaşayan şəxs tərəfindən törədildiyi müəyyənləşdirilib və soyğunçu saxlanılıb.