Bayram günlərində zəlzələ olub

Ötən gün yerli vaxtla 09:12-də Şamaxı şəhərindən 19 km cənubda zəlzələ baş verib. Lent.az-ın Respublika Seysmoloji Xidmət Mərkəzinin rəsmi saytına istinadən verdiyi məlumata görə, zəlzələnin maqnitudası 3.00, dərinliyi isə 6 km olub. Yeraltı təkan şəhərdə və ətraf ərazilərdə hiss olunmayıb. Dağıntı yoxdur.

Digər zəlzələ faktı isə 28 avqustda yerli vaxtla 14:43-də Lənkəran şəhərindən 22 km qərbdə qeydə alınıb. Maqnitudası 3.10, dərinliyi isə 18 km olan yeraltı təkan şəhərdə hiss olunmayıb. Bununla, Azərbaycanda üç gündə iki zəlzələ qeydə alınıb.
Nailə R.