Xaçmazda 22 yaşlı qız faciəli şəkildə öldü

Xaçmaz rayonu Susayqışlaq kənd sakini 1989-cu il təvəllüdlü Ramazanova Maral Ziyafəddin qızı faciəli şəkildə dünyasını dəyişib.

22 yaşlı qız yaşadıqları evin yaxınlığından keçən dərinliyi 30-40 sm olan su kanalında əl-üzünü yumağa gedib. Bu zaman onu epilepsiya tutub. Nəticədə kanala düşən qız suda boğulub.

Mərhumun qohumlarının Lent.az-a verdiyi məlumata görə, bir neçə il öncə evin daha bir övladı - Kamal Ramazanov da eyni vəziyyətdə ölüb.

Faktla bağlı Xaçmaz rayon Prokurorluğunda araşdırma aparılır.

Vəli Turan