Azərbaycanlının keçmiş sevgilisini yandırmasının TƏFƏRRÜATLARI

Xəbər verdiyimiz kimi, sentyabrın 23-də Moskva yaxınlığındakı Serpuxovda Azərbaycan əsilli Əliyev Ayət Qərib oğlu keçmiş sevgilisini binanın girişi yaxınlığında pusquya salıb, ona benzin tökərək yandırıb.

Lent.az xarici mediaya istinadla 49 yaşlı azərbaycanlının törətdiyi bu hadisənin bəzi təfərrüatlarını təqdim edir.

Araşdırma zamanı məlum olub ki, sentyabrın 22-də axşam saatlarında 37 yaşlı qadın romantik görüşə hazırlaşıb. O, ilk evliliyindən olan və bağçaya gedən iki oğluna baxmaq üçün qayınanasının yanına qoyub.

Bundan sonra bütün gecəni gəzməyə gedib. Sentyabrın 23-də səhər tezdən o, əlində buketlə evə qayıdıb. Azərbaycanlı olan keçmiş sevgilisi onu girişin yanında gözləyib. Xanımın əlində buket görüb, ona hücum edib, gülləri kollara atıb, qadının üzərinə benzin tökərək alışqanla yandırıb.

Hadisədən sonra kişi yoxa çıxıb. Qadının saçı və üst geyimi yanıb. Qonşular qışqıraraq qaçaraq yanğını söndürməyə kömək ediblər. Bundan sonra qadın müstəqil olaraq mənzilin beşinci mərtəbəsinə qalxıb. Qayınanası 112-yə zəng edib. Xəstəxanaya aparılan zərərçəkmiş reanimasiyaya yerləşdirilib. Həkimlər xəstənin vəziyyətinin ağır olduğunu bildiriblər. Ona boyun, qol və gövdənin ikinci dərəcəli yanıq diaqnozu qoyulub.

Qonşular qadının ailəsini o qədər də yaxşı xarakterizə etmirlər. Onların sözlərinə görə, onun mənzilində davamlı olaraq qışqırıqlar, uğultu və müxtəlif kişi səsləri eşidilir.

Hadisəni törədən azərbaycanlı axtarılır. Məlum olub ki, 128 min rubl (1300 dollardan çox) borcu olduğu üçün təkcə Moskvanın hüquq-mühafizə orqanları deyil, həm də Sankt-Peterburq məhkəmə icraçıları onu axtarır.