Bakıda qəbiristanlıqdan oğurlanan gülləri satan həbs olunub.
Lent.az-ın əldə etdiyi məlumata görə, polis əməkdaşları “İnşaatçılar” metrostansiyanın qarşısında gül satan 41 yaşlı Şamil İsayevə (ad və soyad şərtidir) yaxınlaşaraq qəbiristanlıqdan oğurlanan gülləri satdığını deyiblər. Bunun üçün o, ifadə verməyə çağırılıb.
Lakin bu zaman Şamil etiraz edərək polisin qanuni tələbinə məhəl qoymayıb. Buna görə də o saxlanılaraq barəsində inzibati protokollar tərtib olunub.
Şamil ifadəsində bildirib ki, tanımadığı şəxs gül mağazasını bağladığı üçün gülləri ucuz qiymətə ona satıb. Onların oğurluq olduğunu bilməyib.
Araşdırma zamanı məlum olub ki, zərərçəkən şəxs Yasamal qəbiristanlığında dəfn olunan qardaşının məzarı üzərindən güllərin oğurlanması barədə polisə şikayət edib. Axtarışlar zaman oğurluğu törədən 23 yaşlı Quba rayon sakini saxlanılıb və ifadəsində həmin gülləri Şamilə satdığını deyib.
Məhkəmənin qərarı ilə Şamil İsayev 15 gün müddətinə həbs edilib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
