"Instagram"da söyüşlü video yaydı, həbs olundu

Sosial şəbəkədə nalayiq ifadələr işlədən daha bir nəfər həbs edilib.

Lent.az-ın məlumatına görə, 25 yaşlı Vahid Hüseynov (şərti adla) “Instagram” sosial şəbəkəsində özünə məxsus “vaxa.guseynov” hesabında nalayiq ifadələr paylaşıb. Bununla da o, ictimai mənəviyyatı təhqir edən və cəmiyyətə açıqca hörmətsizlik edən hərəkətlərə yol verib.

Vahid Hüseynov polis əməkdaşları tərəfindən saxlanılıb və onun barəsində İnzibati Xətalar Məcəlləsinin 510.2-ci (informasiya ehtiyatında və ya informasiyatelekommunikasiya şəbəkəsində kütləvi nümayiş etdirildiyi halda ictimai mənəviyyatı təhqir edən, cəmiyyətə açıqca hörmətsizlik ifadə edən hərəkətlərin edilməsinə, yəni əxlaqsız ifadələrin səsləndirilməsinə və ya belə məzmun təəssüratı yaradan jestlərin edilməsinə, yaxud insan bədəninin hissələrinin əxlaq normalarına və milli-mənəvi dəyərlərə zidd formada göstərilməsinə görə) maddəsilə protokol tərtib olunub.

Vahid Hüseynov ifadəsində bildirib ki, sadəcə səhifəsində video paylaşıb. Axşam yatandan sonra həmin video haqqında çoxlu fikirlər yazıldığı üçün onu silib.

Məhkəmənin qərarı ilə V. Hüseynov 15 gün müddətinə inzibati qaydada həbs edilib.