Müdafiə Nazirliyinin keçmiş idarə rəisini maşın vurub öldürdü - YENİLƏNİB

Sumqayıtda avtomobillə vurulan piyadanın keçmiş vəzifəli şəxs olduğu məlum olub.

Lent.az "Teleqraf"a istinadən xəbər verir ki, polkovnik Yaqub Əhədov Müdafiə Nazirliyinin Silahlandırma İdarəsinin keçmiş rəisi vəzifəsində çalışıb.

***

saat 09:40

Sumqayıtda avtomobilin vurub öldürdüyü piyadanın kimliyi məlum olub.

Lent.az xəbər verir ki, Ağayev Adil Namiq oğlu idarə etdiyi “Mercedes Benz C180 Minik” markalı avtomobillə S.Vurğun küçəsində yolu keçən piyada 55 yaşlı Sumqayıt şəhər sakini Əhədov Yaqub Qərib oğlunu vurub. Nəticədə piyada hadisə yerində keçinib.

Faktla bağlı cinayət işi açılıb.

***

04:41

Sumqayıtda ağır yol-nəqliyyat hadisəsi baş verib.

Lent.az xəbər verir ki, hadisə şəhərin Səməd Vurğun küçəsində qeydə alınıb.

İlkin məlumata görə, yolu keçmək istəyən piyadanı “Mercedes” markalı minik avtomobili vurub.

Zərbənin təsirindən piyada aldığı ağır xəsarətlər nəticəsində hadisə yerində ölüb.

Əraziyə dərhal hüquq-mühafizə orqanlarının əməkdaşları cəlb olunub. Faktla bağlı araşdırma aparılır.