Qazax rayonunda yol-nəqliyyat hadisəsi baş verib. APA-nın yerli bürosunun məlumatına görə, qəza Bakı–Qazax magistral yolunun rayon ərazisindən keçən hissəsində qeydə alınıb.
Tovuz rayon sakini, 1984-cü il təvəllüdlü T. Abdıyev idarə etdiyi VAZ-2107 markalı minik avtomobili ilə hərəkətdə olarkən nəqliyyat vasitəsi idarəetmədən çıxıb. Nəticədə avtomobil yol kənarındakı yol nişanına çırpılıb.
Qəza zamanı sürücü və avtomobildə olan sərnişinlər — İran İslam Respublikasının vətəndaşları, 1992-ci il təvəllüdlü H. Qallehban və 1984-cü il təvəllüdlü A. Sayebanx xəsarət alıblar. Yaralılar dərhal xəstəxanaya yerləşdirilib, onların vəziyyətlərinin orta ağır olduğu bildirilir.
Hadisə yerinə Dövlət Yol Polisi əməkdaşları cəlb olunub. Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
