Lent.az-ın əldə etdiyi məlumata görə, xəsarət alanlardan bir neçəsi yanğın zamanı özlərini yataqxana binasından atıblar.
***
saat 12:18
Bakıda yataqxanada baş verən yanğında xəsarət alanların sayı açıqlanıb.
TƏBİB-dən Lent.az-a verilən məlumata görə, bu gün saat 09:20 radələrində Respublika Təcili və Təxirəsalınmaz Tibbi Yardım Mərkəzinə Binəqədi rayonu, Azadlıq prospektində mənzildə yanğın olması səbəbilə çağırış daxil olub.
Hadisə yerinə dərhal 9 təcili yardım briqadası cəlb olunub.
İlkin məlumata əsasən, yanğında 14 nəfər xəsarət alıb.
Onlardan 2 nəfər (qadın cinsli) tüstüdən zəhərlənmə diaqnozu ilə Kliniki Tibbi Mərkəzin Toksikologiya şöbəsinə, 2 nəfər isə (qadın cinsli) bud sümüyünün sınığı, onurğanın küt travması diaqnozları ilə Kliniki Tibbi Mərkəzin Təcili yardım şöbəsinə hospitalizasiya olunub. 10 nəfərə isə yerində ilkin tibbi yardım göstərilib.
Qeyd edək ki, yanğın Azərbaycan Dillər Universitetinin yataqxanasında baş verib. Hazırda orada məcburi köçkünlər məskunlaşıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
