Sumqayıtda hərbçi qəzada həlak oldu - VİDEO

Sumqayıtda avtomobil piyadanı vurub.

Lent.az xəbər verir ki, hadisə Bakı-Quba yolunun Sumqayıt şəhərindən keçən hissəsində qeydə alınıb.

"Hyundai" markalı avtomobil yolu keçmək istəyən kişini vurub. Piyada aldığı xəsarətlərdən yerindəcə keçinib.

Sakinlərin sözlərinə görə, ölən şəxs hərbçi olub.

Baku TV-nin məlumatına əsasən, o, yemək üçün hərbi hissənin qarşısındakı kafeyə gedib və geri qayıdarkən avtomobil onu vurub.

Sakinlər hadisənin baş verdiyi ərazidə işıqlandırmanın olmadığını deyirlər.

Onların sözlərinə görə, yolun qaranlıq olması həm piyadalar, həm də sürücülər üçün təhlükə yaradır.

Hadisələr yol qəzası piyada hərbçi ölümü video videolent

264