Beynəlxalq Avtovağzal Kompleksində qanlı hadisə

İyulun 14-də Binəqədi rayonu ərazisində bıçaqlanma hadisəsi baş verib. Lent.az-ın Daxili İşlər Nazirliyinin saytına istinadən verdiyi məlumata görə, Beynəlxalq Avtovağzal Kompleksinin ərazisində Zaqatala rayon sakini Səlim Səfərov münaqişə zəminində Bakı şəhər sakini İlahi Kamilova bıçaqla xəsarət yetirib.

Binəqədi RPİ 40-cı PB əməkdaşlarının keçirdikləri əməliyyat-axtarış tədbirləri nəticəsində S.Səfərov tutulub. Hadisənin səbəbləri araşdırılır.