İlhamə Quliyeva ilə vida mərasimi sabah keçiriləcək - RƏSMİ - YENİLƏNİB

Xalq artisti İlhamə Quliyeva sabah dəfn olunacaq.

Mədəniyyət və Turizm Nazirliyinin İnformasiya və ictimaiyyətlə əlaqələr şöbəsinin mətbuatla iş sektorunun müdiri İntiqam Hümmətov APA-ya bildirib ki, xalq artisti ilə vida mərasimi fevralın 26-da saat 12.00-dan 14.00-dək Rəşid Behbudov adına Azərbaycan Dövlət Mahnı Teatrında keçiriləcək.

İ. Quliyeva II Fəxri xiyabanda dəfn olunacaq.

Qeyd edək ki, xalq artisti bu gün səhər 73 yaşında vəfat edib.

14:36

Xalq artisti İlhamə Quliyevanın meyiti Respublika Mərkəzi Klinik Xəstəxanasına aparılıb. Lent.az-ın məlumatına görə, onun cəsədi burada ekspertizadan keçiriləcək.

İ.Quliyevanın bacısı qızı onun harada dəfn olunacağı barədə də jurnalistlərə məlumat verib. O bildirib ki, xalq artisti anası Tükəzban İsmayılovanın yanında dəfn ediləcək. Qeyd edək ki, T.İsmayılovanın qəbri II Fəxri Xiyabandır.

Mədəniyyət və Turizm Nazirliyindən isə Lent.az-a bildirilib ki, İ.Quliyevanın harada dəfn ediləcəyi hələ ki dəqiqləşdirilməyib.