Mitinqdə şəhid ailələri müəmması

Bu gün Milli Şuranın Bakıda keçirdiyi aksiya başlamazdan əvvəl meydanda polis əməkdaşları ilə bir qrup şəxs arasında insident baş verib. Nəticədə aksiya iştirakçılarından bir neçə nəfər saxlanılaraq oradan uzaqlaşdırılıb. Lent.az-ın məlumatına görə, bir sıra KİV-də həmin şəxslərin şəhid ailələrinin üzvləri olduqları bildirilib və əlavə edilib ki, polis şəhid ailələrinin üzvlərini mitinqdən uzaqlaşdırır.

Həmin insidentin nəticəsi və saxlanılan şəxslərin taleyi ilə maraqlandıq. Hüquq-mühafizə orqanlarından Lent.az-a bildirilib ki, insident zamanı saxlanılan şəxslər polis bölmələrinə gətirilib. Ancaq məlumatda o da qeyd olunur ki, saxlanılanların doğrudan da şəhid ailələrinin üzvləri olduğu təsdiqlənmir, onlar sadəcə aksiya iştirakçılarıdır.