MTN və Səhiyyə Nazirliyi 11 qanunsuz stomatoloji kabinet aşkar edib

Bakıda 11 qanunsuz stomatoloji kabinet aşkarlanıb. Lent.az-ın “Tibb” qəzetinə istinadən məlumatına görə, Səhiyyə Nazirliyinin Dərman Vasitələrinin Analatik Ekspertiza Mərkəzi (DVAEM) və Milli Təhlükəsizlik Nazirliyi müvafiq qanunvericiliyə uyğun olaraq, təsdiq olunmuş birgə tədbirlər planı çərçivəsində qanunsuz fəaliyyət göstərən stomatoloji kabinetlərin aşkarlanması üçün reydlərə başlayıblar. Yoxlamaların ilk günündə 11 qanunsuz stomatoloji kabinet aşkarlanıb. Həmin kabinetlər paytaxtın Nərimanov, Nizami və Nəsimi rayonlarında aşkar edilib.

Sözügedən müəssisələrin rəhbərlərinə xəbərdarlıq olunub. Xəbərdarlıqda qeyd olunub ki, müəssisə rəhbərləri qanunsuz fəaliyyətlərini dayandırmalı və özəl tibb fəaliyyətinə müvafiq lisenziya almaq Səhiyyə Nazirliyinə müraciət etməlidirlər.

DVAEM bu istiqamətdə reydləri davam etdirir.