Siyəzəndə dəhşətli qəza

Bakı-Quba Rusiya Federasiyası yolunun 95-ci km-də, Siyəzən rayonu ərazisində ölümlə nəticələnən yol-nəqliyyat hadisəsi baş verib.

APA TV-nin şimal bürosunun verdiyi məlumata görə, Quba istiqamətində hərəkətdə olan, Bakı şəhər sakini, 1967-ci il təvəllüdlü Zahid Məcidov idarə etdiyi “Nissan Maxsima” markalı avtomaşınla yolu keçmək istəyən piyada, Quba rayonu Birinci Nügədi kənd sakini, 1955-ci il təvəllüdlü Musayev Nailə Qafar qızını vurub. Piyada hadisə yerində dünyasını dəyişib.

Faktla bağlı Baş Dövlət Yol Polis İdarəsinin istintaq və təhqiqat bölməsində araşdırmalar davam etdirilir.