“Neftçi”nin mərhum əməkdaşlarına həsr edilən çempionluq

“Bizə çempionluq yolunda hər cür şərait yaratdığına görə klub prezidenti Sadıq Sadıqova dərin minnətdarlığımı bildirirəm. Futbol üzrə Unibank Premyer Liqasının qalibi olduğumuz üçün sevincimizin həddi-hüdudu yoxdur. Daima bizimlə olan azarkeşlərimizə də minnətdaram”. Lent.az-ın məlumatına görə, bu fikirləri “Neftçi”nin kapitanı Rail Məlikov klubun rəsmi saytına açıqlamasında deyib.

O, çempionluğu “Neftçi”nin mərhum əməkdaşları - Rüfət Mehdiyev, Vahid Həmidov və Alim Məmmədovun xatirəsinə həsr etdiklərini bildirib. Məlikov Premyer Liqadakı uğuru Avropa kuboklarında da davam etdirmək istədiklərini söyləyib: “İyunun 6-da hazırlığa başlayacağıq. Azərbaycanı Avropada layiqincə təmsil etmək üçün əlimizdən gələni edəcəyik”.