"İnter" baş məşqçi Simone İnzaqinin rəhbərliyi altında ilk dəfə bütün yarışlarda ardıcıl doqquz qələbə qazanıb.
Lent.az bildirir ki, bu barədə “Orta Sports” məlumat yayıb.
Xatırladaq ki, fevralın 21-də Çempionlar Liqasının 1/8 final mərhələsinin ilk oyununda “neradzurri” “Atletiko”nu məğlub edib (1:0). Beləliklə, "İnter" bütün yarışlarda keçirdiyi son doqquz oyunda qalib gəlib: A Seriyasında altı oyun, İtaliya Superkubokunda iki oyun və Çempionlar Liqasının pley-off mərhələsində bir oyun.
Bu günə olan vəziyyətə görə, “neradzurri” A Seriyasının turnir cədvəlində birinci yerdədir.İtaliya çempionatının növbəti turunda “İnter” səfərdə “Leççe” ilə qarşılaşacaq. Çempionlar Liqasının 1/8 final mərhələsinin “Atletiko” ilə cavab oyunu martın 13-də Madriddə keçiriləcək.
Simone 2021-ci ildən "İnter"ə rəhbərlik edir. O, əvvəllər “Latsio”nu çalışdırıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
