Prandelli futbolçuları cəzalandırdı: "Bazadan çıxmayacaqsınız"

Dortmund “Borussiya”sının ardından, Türkiyə Superliqasında “İstanbul Başakşəhərspor”a da 0:4 hesabı ilə uduzan “Qalatasaray”ın baş məşqçisi Çezare Prandelli futbolçuları cəzalandırıb. Lent.az-ın məlumatına görə, italyan çalışdırıcı oyunçulara növbəti turda “Kasımpaşa” ilə keçiriləcək oyuna qədər klubun bazasından çıxmağı qadağan edib. Futbolçular yalnız xüsusi hallarda bazadan çıxa biləcəklər. Əlavə edək ki, “Qalatasaray” – “Kasımpaşa” oyunu oktyabrın 31-də keçiriləcək.