Kürün suyu azalır
24 dekabr 2009 15:45 (UTC +04:00)

Kürün suyu azalır

Ekologiya və Təbii Sərvətlər Nazirliyi Kür və Araz çaylarının, həmçinin onların transsərhəd qollarının çirklənmə səviyyəsini öyrənmək məqsədilə dekabrın II ongünlüyündə apardığı monitorinqin nəticələrini açıqlayıb.

Nazirliyin mətbuat xidmətindən Lent.az-a bildiriblər ki, dekabrın II ongünlüyündə Kür çayında suyun sərfi I ongünlüyə nisbətən saniyədə 10 kubmetr azalaraq 183 kubmetrə düşüb. Monitorinqin nəticələrinə əsasən, Kür çayının Gürcüstan və Ermənistan ərazilərindən təmizlənmədən birbaşa su obyektlərinə axıdılan məişət tullantıları və sənaye müəssisələrinin çirkab sularının təsiri nəticəsində biogen maddələrin miqdarı normanı dəfələrlə üstələyib.

Ermənistanla transsərhəd olan Araz çayında isə suyun sərfi saniyədə 135 kubmetr olub. Suyun oksigen rejimi bütün məntəqələrdə 5,91-7,36 mq/l arasında olmaqla sanitar norma daxilində dəyişib.

Elxan SALAHOV
# 474

Oxşar yazılar