Bərdədə DƏHŞƏTLİ CİNAYƏT: qardaşının arvadını öldürdü - YENİLƏNİB

Xəbərə video əlavə edilib

***

saat 10:30

Prokurorluq Bərdədə törədilən qətllə bağlı məlumat yayıb.

Bərdə rayon Prokurorluğundan Lent.az-a verilən məlumata görə, avqustun 5-də saat 8 radələrində Bərdə rayonu, Kələntərli kəndi ərazisində 33 yaşlı Sədaqət İbrahimovanın öldürülməsi barədə rayon prokurorluğuna məlumat daxil olub.

Araşdırmalarla 29 yaşlı Azər İbrahimovun aralarında yaranmış mübahisə zamanı qardaşı arvadı Sədaqət İbrahimovaya kəsici alətlə xəsarətlər yetirərək qəsdən öldürməsinə əsaslı şübhələr müəyyən edilib.

Faktla bağlı Bərdə rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanaraq ibtidai istintaq aparılır.

Azər İbrahimov iş üzrə şübhəli şəxs qismində tutulub.

***

saat 09:22

Bərdədə qadını qaynı qətlə yetirib.

Daxili İşlər Nazirliyi mətbuat xidmətinin regional qrupundan Lent.az-a verilən məlumata görə, avqustun 5-də səhər saatlarında Bərdə rayonu Kələntərli kəndində 33 yaşlı İbrahimova Sədaqət Rauf qızının kəsici alətlə qətlə yetirilməsi barədə polisə məlumat daxil olub.

Cinayət əməlini törətməkdə şübhəli bilinən qadının qayını, 29 yaşlı İbrahimov Azər Rəşid oğlu saxlanılıb.

İlkin məlumata görə hadisə ailə münaqişəsi zəminində baş verib.

Araşdırma aparılır.