Bu gün Bakı Ağır Cinayətlər Məhkəməsində hakim Telman Hüseynovun sədrliyi ilə Qənbərov Cəbrayıl Rəfael oğlunun cinayət işi üzrə məhkəmə hazırlıq prosesi keçirilib.
Lent.az xəbər verir ki, məhkəmə dövlət ittihamçısının ittiham aktını elan etməsi ilə başlayıb.
Təqsirləndirilən C. Qənbərov özünü qismən təqsirli bildiyini dedi.
Şahid Abdullayeva Rəna şikayətinin ancaq hazırda Şəki İstintaq Təcridxanasında saxlanılan digər təqsirləndirilən Zaur Musayevlə bağlı olduğunu dedi.
Zərərçəkənlər Aslanov Səyyar, Bağırov Elçin ilkin ifadələrini təsdiq etdiklərini bildiriblər.
Bundan sonra digər şahidlərin iştirak etməsi üçün növbəti proses 17 dekabr saat 14:30-a təyin edilib.
Xatırladaq ki, Bakı Biznes Universitetində metodist-müəllim işləmiş Cəbrayıl Qənbərov Cinayət Məcəlləsinin 178.3.2-ci (külli miqdarda dələduzluq etmə) maddəsi ilə təqsirləndirilir. Təqsirləndirilən şəxs zərərçəkənlərə vəd verib ki, onları orta məktəbə müxtəlif ixtisaslar üzrə müəllim vəzifəsinə işə düzəldəcək. Cinayət işində ümumi ziyanın miqdarı 200 mindən çoxdur.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
