Həkimlərin fikrincə, tamamilə faydalı kolbasa növü yoxdur. Lakin bəzi növlər sağlamlığa daha çox zərər verir, digərlərini isə yalnız məhdud miqdarda yemək olar.
Lent.az xarici mediaya istinadla ən zərərli növləri, gündəlik təhlükəsiz porsiyanı və kimlərin kolbasadan tamamilə uzaq durmalı olduğunu açıqlayır.
Ən zərərli kolbasa növləri
Mütəxəssislər qeyd edirlər ki, ən təhlükəli qrup qurudulmuş və hisə verilmiş (kopçenı) kolbasalardır. Hisəvermə zamanı yaranan yanma məhsulları və radioliz maddələri kanserogen sayılır.
Yarı-hisə verilmiş kolbasalar da risklidir: onları əvvəlcə bişirir, sonra qızardır və sonda hisə verirlər. Bu proseslər zərərli birləşmələrin miqdarını artırır. Bundan əlavə, bu cür kolbasalar 50%-ə qədər yağ və çox yüksək natrium (duz) miqdarı ehtiva edə bilər.
Liver kolbasası da sağlamlıq baxımından mübahisəli məhsullar sırasındadır. Əvvəllər o, əsasən qaraciyərdən hazırlanırdısa, indi istehsalçılar müxtəlif subproduktların qarışığına, yağ, qatqılar və konservantlar əlavə edirlər.
Həkimlər ən az zərərli növün bişmiş kolbasa olduğunu bildirirlər, amma onu da çox yemək olmaz.
Kolbasanı nə qədər yemək olar?
Kolbasanı gündəlik menyuya daxil etmək məsləhət deyil. Mütəxəssislər onu daha çox “delikates” kimi qəbul etməyi tövsiyə edir. Optimal və təhlükəsiz porsiya gündə maksimum 50 qramdır.
Kimlər kolbasadan uzaq durmalıdır?
Gastrit və digər mədə xəstəlikləri olan şəxslərə, qida allergiyası və həzm sistemi xəstəlikləri olanlara kolbasa tövsiyə olunmur.
Duzun çoxluğu səbəbindən onun istifadəsi ödemə meyilli şəxslərdə və böyrək problemi olanlarda xüsusilə risklidir.
3 yaşa qədər uşaqlara, ürək xəstəlikləri olanlara, podagra, pankreatit, xolesistit xəstələrində, mədə selikli qişasının iltihabında, sidikdaşı xəstəliyi, nefrit zamanı və ipertoniya (yüksək qan təzyiqi) zamanı istifadəsi tam qadağandır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
