Alim Qasımovun qızı həyatından danışdı: “Ailə qurduğum bəy...”

“Bir ailədə dörd uşağı böyütmək çox çətindir”. Lent.az-ın məlumatına görə, bu sözləri “APA TV”-nin “Üç valet” verilişində qonaq olan Alim Qasımovun qızı, Fərqanə Qasımova deyib. Xanım ifaçı şəxsi həyatından söz açaraq ailəsinin ona dayaq olduğunu vurğulayıb: “Elnurla sevib ailə qurmuşam. Heç vaxt ailəmdə sənət baxımından problemimiz olmayıb. Hətta yoldaşım da mənə kömək edir. Bu yaxınlarda təqdimat mərasimi keçirirdik, yoldaşım Elnur saz götürüb ifa etdi. Bəzən oxuduğum mahnıların seçimində də mənə kömək edir. Amma həyatımda çətinliklərim çox olub. Bunları açıqlamaq istəmirəm. Allahın və ata- anamın köməyi ilə bütün çətinlikləri geridə qoymuşam. Məktəb vaxtından başı aşağı olmuşam. Hətta məktəbdə oğlanlar mənim adımı çəkməyə utanırdı. Tez ailə qurdum, məni tez ovladılar. Ailə qurmağa isə müqəddəs baxmışam, ailə sevginin üstündə qurulur. Çox şükür ki, indiyə kimi qəlbimdə ailə sevgisi var”.